Tornaras !!! Y yo cada añada torno a las fiestas de Pallaruelo de Monegros. M´en dizían que os fillos de muita chen que emigro a Cataluña y que tamién torna pa las fiestas, no entendían que a chambreta portase una palabra Catalana. Y esto m´encarraña, pues en la redolada de Os Monegros la chen no sabe explicar que aquí se charraba la fabla Aragonesa. Se charraba y aún perbibe con mas de 7700 bozes replegadas en o Bucabulario Monegrino, editau por o consello d´a fabla aragonesa. Tornar ye una parabra que nos chirmana con nuestros bezinos y con o tresoro que son nuestras fablas.

    Poquer a poquer muitas palabras no tornan a ser sentidas, y ye triste como ni sisquiera se conoce, ni se balora o legau de nuestros antepasaus.

    Y una palabra que he tornau a sentir ye codete, unos menutos antis descutia con un amigo sobre si beluna bez se había sentiu en Sariñena. En o mesmo inte, un biello que dentraba en o bar exclamo -¡Ya han tirau o codete!- Ixe diya yera o chupinazo d´o lugar de Sariñena.

    As fiestas dan pa mucho dondear, lo malo ye tornar con l´auto. Pero bi ha cosas que sorprenden, como en Lanaxa, ande en una chambreta pude leyer o mombre de una peña: “O zoquetón”. -¡Con l´articlo “o”!-.

    Ya han acabau las fiestas y un hombre iziba: – M´en hace mal la garra de tanto bailotiar- . ¿Pues ya tornaran p´atro año!.

    En tanto continare con as mías entibocaziónes, yo no he aprendiu Aragones en a escuela, como toz y totas. En a redolada fa tiempo que s´en dio un curset d´aragones, yo yera muy zagal y casi no lo remero. Por ixo prenzipie a fer onra por l´aragones, sabiendo que más o menos mal o bien; se torna a sentir l´aragones d´a redolada de “Os Monegros”. Como cal fer beluna cosa, s´en fa y prou!!. Aura pienso en dar una plantaziguereta a tot lo que he feito, intertar fer un aragonés más bibo y cercano a la chen en Os Monegro y en o mío lugar Sariñena. O tiempo dirá…

                                Plantaziguereta ye en castellano voltereta.