Archivo de la etiqueta: fabloggers

5 Añadas d´o Blog “Os Monegros”


5 Añadas d´o Blog “Os Monegros”Del 31 de marzo del 2006 al 31 de marzo del 2011:

Cinco añadas d´o Blog “Os Monegros

Han pasau cinco añadas dende aquel primer post “En Os Monegros pervive el aragonés”. Ha pasau el tiempo, ¡cinco añadas!; y pa bien o pa mal, paize que es güena siñal. Asinas que poquer a poquer, en ista faina con l´aragonés en Os Monegros, s´ha feito algo de bulla, con una mayor presenzia de l´aragonés que s´ha heredau de nuestros antepasaus y remerando tradiciones y recuperando piazetes del rico patrimonio etnográfico Monegrino y Aragonés.

Cinco añadas labrando en el árido paisaje Monegrino, en iste disierto, en ista tierra hermosa que: “¡bien imos de festejar-te tierra!”; que esta tierra es hogar, o mio lugar. Cinco añadas labrando el tozudo mallacán y tamién arando yermos que m´han dau os suyos frutos, esfendiendo y fendo presencia de l´aragonés de Os Monegros.

O blog prenzipió con escritos, que en istas cinco añadas, de contino s´han publicau en “Quio”, la revista de Sariñena y Los Monegros (Os monegros) y en iste blog “Os Monegros”.Y aún bi ha muitas cosas que fer, continar como la cierzera, empentando capitanas en os yermos monegrinos, en campos de cebada y trigo con royos ababoles entremezclaus. Asabelo  de cosas que nos aguardan…, ¡güenos deseyos!!

Grazias leutor/leutora, sin busatros/as isto, o blog y o traballo, no tiene cosa de sentido.

¡Entadebán Os Monegros!

Publicau en “ Os Monegros el 31 de marzo del 2011.

Zancarriana w

II Trobada de Flabloggers


II Trobada de FlabloggersOs diyas 21 y 22 de nobiembre: “II Trobada de fabloggers”

Ista añada bi ha un concurso de microfalordias, ista ye a partizipación d´o blog “Os Monegros”

DISIERTO

Me l´he escojonau. Más valdría echar-le un ñudo a la coda, o dizir prau pa no ascuitar tanta fateza. ¡Como pa fegurar-se “Las Vegas” en Os Monegros!. – Tú ten cuidau, que de un jetazo t´en bas pal azarbe, ¡so pollino!-.

A lo que pare cuenta, pensé que pue´star una reyalidad, y beluno fa de “Marianico el corto” pa fer casamientos como el “Elvis”, ¡mejor!. -A yo no m´en trobaran puai.-

Aspantau m´en boi, o zielo s´ha puesto negrismo, habra tronada. A oscurinaye freda, a boira m´en barracha con l´asprura del desespero. -¡He de dispertar d´iste suenio disierto!.-

Publicau en Os Monegros el 3 de noviembre del 2008.

Zancarriana w