Ixotrodiya, biernes 19 d´abiento, estié en a nueba cafetería ubierta en Uesca. A cafetería ye de un mesache d´o mío lugar y fa unos diyas que s´en trobo con yo y me charro d´o suyo nuebo proyeuto. E me fazié muito goyo a lo que m´en ba dizir  de cómo s´en iba a clamar a cafeteria: “Cafatería a fabla.”

     L´en conté que yo tiengo un blog en aragonés y que  poderba aber-le aduyau. Ya no eba tiempo pero que pa cualsiquier cosa puede contar con yo.

     Asinas que o biernes puye a ra obredura, en a cafetería eba parabras en aragonés, beluna entibocada y una chiqueta istoria de l´aragonés que no plege a leyer. Un ombre preguntó si beluno o beluna charraba aragonés. Charremos un poquet, ¡os dos Monegrinos!;  entremistanto, aduyaba en os zagueros retoques d´a cafetería A fabla.

O mesache, qui ha ubierto a cafetería, no ye d´o mundo del l´aragonés pero to ye prenzipiar. Ya pondré a direzión y beluna foto cuan siga posible. Os animo a conoxer-la.