* Torrollón «El Abuelo»
Foto de «Proyecto Monegros»
Somos
lo que nos permite o tiempo
y lo que veyemos en ubrir os güellos,
veyemos a tierra y a nuestra chent
y as boiras que escampan en l´horizont.
Somos
l´ulor
d´os campos y d´os alteros mons
d´os yermos y d´as estepas de tierra plana,
l ´aroma que viacha en o cierzo
y os versos que navegan en o cielo.
Somos
o soniu d´as luengas
as parolas que susurran a o corazón
y as melodías que mos fan comprender
o ritmo que a o tiempo dio a razón
que a voz ama un nuevo amaneixer.
Somos
o gusto d´os labios enreligaus
o gusto de reconoixer l´augua
que chunto con o sol soniaba
con a suya aimada tierra.
Somos
o tauto d´os pies en o suelo
os rozes que nunca oblidaremos
as morisquetas que perén son
a luna que nunca se deixa tocar.
Somos
a foscor
que por un inte estiemos vida
y eternament sentimiento,
l´acordanza d´aber permanexiu
endrezau con o puño entalto
chilando y luitando por a libertat.
Publicau en “ Os Monegros el 19 de septiembre del 2012.
– Posts relacionaus:
os monegros 